الخنقه ؟
كلمه تحتوي في داخلها ألف عبره و ألف كلمة و ألف إحساس ،،
لكن .. نلقى صعوبه انه إحنا نفضفض ،، لأن في لحظتها ما نلقى الكلام إلي يعبر عن كل إلي في داخلنا ،، و نحتاج انه إحنا نطلع شيء بسيط ،، مجرد شيء بسيط ،، عشان نرتاح **
بس ؟ خنقتنا العبره و ما قدرنا ....
ما نقول رضينا لكن تعودنا ،،
عاده جدا قاسيه .. لدرجه انه في كل مره يزيد الألم و يزيد الاختناق و ما تلقى لك مهرب أو مخرج
نحس نفسنا غرقانين ،، نحاول نلفظ أنفاسنا لكن من دون جدوى ،
شيء أبدا مو سهل انك انت تضايق من شخص ،، و تكتم في داخلك لجل ما تضائقه ،، تصرفك غلط ! لكنك تشوفه صح !!
لأن بسياسه حياتك ،، " لا أجرح ، إذا لا استطيع أن إعاتب أو اخرج مافي داخلي "
تمسك نفسك بلحظة الغضب لأنك عارف نفس انك لا انفجرت ،، تكون مثل القنبله النوويه إلي تأدي الجميع من حولك ،، فتسكت .
لو تضايقت من شخص ؟ يعني لك الحياه ؟
صعبه انك تحبه و تشيل عليه ،،
تلقى نفسك من نفسك تنسى زلاته
تحب عيوبه و تعشق اغلاطه
لأنك تشوفه ملاك يحميك
و ملاك في لحظة ضعفك ؟ يقويك
و لأنك تشوفه حياه ؟ ف بنظرك محد يزعل من حياته
كونك إنسان تنسى زلت أحبابك إذا في يوم بحقك غلطوا ،، تعطيهم فرصه ثانيه لأنك واثق انهم ما راح يعيدونها ،، و لا عادوها تكذب نفسك و تكذب عينك و تقول ؟ ماصار شيء ،،،
قلبل من الناس تفهمك و انت مهموم و مجروح ولا متحمل نفسك ،، و تجي و تزيد عليك الهم هم ،، معقوله ؟
يا إنسان أغليته بحياتي ،، في لحظة تخلي حياتي جحيم ؟
يا إنسان خليته من قلبي قريب ،، في لحظة ما قمت أفهمك ! و في لحظة إحساس الحنيه من قلبك تلاشى !!
إذا انت تركتني ؟ من لي غيرك ؟ أشكيله ؟ أحكيله ؟ أفضفض له ؟
مستسهل كونك تشوف إنسان يحس بألم انت ما تحس فيه ؟ تتلذذ بحظ الملح و فركه على جرحه ؟
مو كل الناس لها نفس المشاعر ،، ولأ كل الناس لها نفس الإحساسات ،، ولأ كل الناس لها نفس القياسات في النظر للأمور !! ممكن شيء تافه يكون عادي عندك لكنه يضائقه ؟ ممكن شيء جايد يكون صعب عليك لكن سهل على غيرك !!
سياسه الحياه ،، سياسه صعب أنها تنفهم من دون " مواقف " ،، حاول تتجنب تجريح إلي يحبونك ،، و أحسب لكلمتك ألف حساب ،، لأنك لو انت كنت أملهم الوحيد و الجرح يا منك ؟ بتكون بحقهم حيل أجرمت ،،،
By;Dani