الحب في زمنا .....
هو حب قائم على المصلحه !!
نادر ما تلاقي أحد وفي بالحب ،،!!
في وقتنا هذا ؟ دائم نلاقي الناس بعد فتره يرحلون !
يخدعونك بأسلوبهم
يقنعونك انهم يحبونك
و يحاولون يتقربون منك لين يعلقونك
و بعدها ؟
تنام ، تصحى ما تلاقيه !!
تحاول تتصل !! عشان تكلمه !!
و ما تلقى منه أي رد
و بتقعد تحرق أعصابك و تسأل نفسك أسأله !!
و الجواب الوحيد إلي ما بيخطر على بالك ؟ انه خلص مصلحته معاك
الأغلبيه ما بتصدق !! بتقول شلون !! مستحيل !! أصلن أهو قال انه يحبني !! و قال ما رح يخليني و كان دائم يسهر معاي و يحاتيني !! و كان كل يوم يكلمني !!
الإنسان لا احتاج شيء !! أكيد بيبذل جهده عشان يحصله !!
و البعض يستخدمونك عشان يترسون فراغ تركه شخص و بعد ما ينسونه فيك ،، يقطونك و يحولون على غيرك !!
يعني معقوله قلوب البشر بكل سهوله تحولت لحجر !!
ما تتأثر بهوى ولا تتأثر بألم ؟
انعدم الإحساس من الناس !! قاموا ما يراعون المشاعر !!
يستغلون مشاعر الناس للتسليه و اللعب !!
الدنيا بتدور صحيح ،، و حوبه المظلوم أكيد ما بتتعداكم !!
....
لكن بالنهايه هذي مشاعر !! و هذا قلب ممكن انه ينكسر و مستحيل يتداوئ !!
لو تفكرون شوي !! أكيد ما بترضون على نفسكم ينلعب فيكم و يستهان بمشاعركم !!
عمتكم مصالحكم عن الطيبه و الإحساس !!
قسيتوا قلوبكم على الناس عشان غايتكم !!
ما فكرتوا أنكم ممكن تتسببون بألم كبير لإنسان كل ذنبه انه حب بكل إخلاص و من داخل قلبه !!
هذا كله ما له إلا معنى واحد
إنك انت ياللي تلعب بمشاعر الناس و تستهين ، شخص بلا ضمير و بلا مشاعر و شخص بين هالناس عباره عن نكره و مالك وجود في الحياه
By;Daniel