بفرح عمري اكتفيت

لو تسألوني عن الطيبه ؟
بكلمكم عن فرح
لو تسألوني عن الحنان ؟
بكلمكم عن فرح
لو تسألوني عن السعاده ؟
بكلمكم عن فرح
لو تسألوني عن الحياه ؟
بكلمكم عن فرح

تدرون ليش ؟؟
# لأنها علمتني أن الحياه بوجودها لها طعم ثاني و أهي الحياه
# لأنها بوقت حزني و ضيقتي تحتضني و أهي الحنان
# لأنها بوقت حرقتي و اشتياقي تحتويني و أهي الطيبه
# و لأنها بألمي و جروحي ترسم البسمه في شفاتي و أهي السعادة

بتسالون نفسكم منو ( فرح ) .،!
و بيكون الجواب :
هي إنسانه بريئه بضحكتها
هي إنسانه جريئه بكلامها
هي إنسانه تخفي بداخل قسوتها طيبه قلب و حنان
هي إنسانه الحياه معاها تحلى .،!
و على قد الوصف و على قد الكلام ( فرح )
اسم من ثلاث حروف ،، صغير لكن صعب انه ينوصف
لأنها إنسانه تعجز الحروف أنها تعبر
و تعجز الكلمات أنها توصف
لمجرد بس تردد السؤال و قالو ( منو فرح ؟ ) .،!
فرح باختصار شيء صعب يتصور
لأن في هالدنيا مالها شبيه

لا مرضت القى عندها دواي
لا زعلت القى عندها رضاي
لا شتقت ألقاها هي إلي تطفي حنيني

بوجودها حسيت بأمان
بوجودها حسيت بالحياه ( شلون أهيه حلتها ) .،!

هي إلي لزعلها أزعل
لفرحها أفرح
أخاف من مرضها
أحاتي سكوتها
و بكل لحظة أتمنى و ادعى أنها تكون قربي

وعلى قد ما رأفجت في هالدنيا ناس و ناس
لو على مر السنين
تبقى فرح إلي عرفتها من سنتين ما تغير
هي إلي تستحق أنها اتسمى :
رفيجه
حبيبه
توأم روح
وهي الإنسانه الوحيده إلي اكتفي فيها لو الكل بأعني

تدرون ...،!
هالعالم كله
جم من الناس تحصون و تعدون
جم نفس؟
جم نبض؟
جم رمشة جفن ؟
بحجم و بعدد كل هذول
معزتها في قلبي أضعافهم

تدرين يا من ملكتني بإحساسها
إنج لقلبي النبض و الدم
قلبي يرفض النبض بدونج و الدم يرفض يسري في الشرايين
تدرين يا من أسرتني باهتمامها
انه اليوم ما يحلا إلا بوجودج و انه الوقت يرفض يمر و عقارب الساعة توقف بلاج
تدرين يا من سكنتي في وسط هالقلب
إني ما تعلمت الوفا إلا منج
و انه عقلي يرفض فكره فرقاج

يا من صرتي في عمري عدد لا نهائي
و العمر بدونج يوقف ، ينتهي ، ينعدم

تدرين لو كل هالبشر تكاتفوا لجل يساعدوني
ما صرخت أنادي إلا باسمج اطلبج أبيج و ما أبيهم

تدرين لو كل هالعذال تكاتفوا لجل يفرقونا تحديتهم و قلت ما اخليها لو على قص الشرايين

يا كل الغلا
انتي جنتي في هذي الحياه
بين رموشي و في حنايا القلب مكانج

يا رب طول بعمرها و أخذ من عمري و حط بعمرها
لجل تعيش و تبقى الإنسانه إلي نبض لها فوادي
ماهو بشرط حب و ارتباط هذا إلي اسميه بحياتي عشق الرفاقه

By;Daniel