لا تساليني يا ((N))

[size=لا تسأليني امانه ليه انا جيتك !
في داخلي شي قال إنك وحشتيني

شي ٍ اخذني و وداني على بيتك
إبلا شعور امشي ودل العناويني

من يوم رحتي تراني ماتناسيتك
وانتي بعد ياعيوني مانسيتيني

وش فيها لاجيت كلي شوق وضميتك
ودي أضمك غلا واشوفك بعيني

غلاك ونبرات صوتك مع تناهيتك
صاروا في عمري ياعمري شي روتيني

كلمة أحبك قليله مهما حبيتك
احساسي اقوى من احساس المحبيني

ودي اوصّف شعوري يوم لاقيتك
لكن تضيع الحروف ان جيت وجيتيني

تبينها بإختصار ( انا تعاطيتك )
( مدمن ) وربي على الادمان باليني

من قبل اعرفك وانا ياما تمنيتك
هواك عن شوفة الترفات معميني

واليوم في داخل الشريان حطيتك
برضاك تسرين في كل الشراييني

لا تسأليني امانه ليه انا جيتك
في داخلي شي قال إنك وحشتيني

شي ٍ لو إنك تحسينه وسط بيتك
طلعتي من باب بيتك ثم حضنتيني





24][/size]

مشكوووور واتمنى لهذه الموهبة ان تلمع في سماء الادب
لنا الشرف في هذا المنتدى ان تثرينا بكلماتك الجميلة وفقك الله يا اخي