الانتظار

الانتظار ،،،
كلمة تحوي في داخلها مشاعر مؤلمة ،،،
و كلمة تحتوي داخلها لهفة و شوق مخلوطة بعذاب ،،،
كلنا جربنا شعور الانتظار ،،
سواء ننطر أكل
ننطر خبر
ننطر حدث
ننطر مناسبة
و ننطر " شخص " ....

بكل لهفة و شوق في البداية !!
مستعدين ننتظر ساعات لما نكون عارفين انه بالنهاية بيوصل ،،
تعمرنا مشاعر فرح و مشاعر لهفة و مشاعر شوق بالأخير نقدر نرضيهم بلقاه !!

لكن في نوع من الانتظار ،،
لما ننطر شخص يكلمنا ،، أهو موجود ،،
بس ننطره يكلمنا ،، يسأل عنا لأنا نحتاج سؤاله عشان نحس باهتمامه ،،
ودنا لو مره يسأل قبل لا إحنا نسأل ؟
ننتظر و ننتظر و بكل ألم ننتظر ،، متى ؟
متى يسأل ،، حتى لو قال حرف واحد ...
ليش ما يبادر هو بالسؤال ... ليش كله أنا بالبدائه ؟

لما يعورنا مخنا من التفكير ،،
ودنا نعرف إحنا شنو في قلبه ،،
شنو ترتيبنا في حياته ،،،
منو إحنا في عالمه ؟
هل إحنا من أولوياته ؟ ولا إحنا آخر اهتمامه ؟
هل إحنا فعلا نهمه ؟ ولا بس في وقت الفراغ يذكرنا ؟

ليش ؟
دام السؤال ما يكلف ليش ما تسأل ؟
السؤال ،، يولد في قلب إلي نسأل فرح كبير ،،،

لما أنا اسأل عليك ؟ يعني انت حيل تهمني ؟
يعني انت شيء ضروري في يومي عشان يكتمل ؟
يعني انت إنسان حيل غالي على قلبي ؟

لما أنا إعاتبك ؟
معناتها أبيك تهتم ؟ معناتها أبيك تكون الأحسن ؟
معناتها أبيك تحس فيني ؟ معناتها أبيك ترجع في حساباتك و تشوف ؟
معناتها انت غالي في حياتي و ما ودي انك تبتعد أو نفترق أو ندخل في حاله برود ؟.

ليش الناس ؟ كل ما أحد شاف غلاته في عين مغليه ؟ أهمل و تكبر !
ترى انت بجفاك تغير غلاك ،،
لا تقول هذا مهتم فيني يعني يعزني يعني لو رحت بيتم يهتم و يسأل
يعني لو غبت عنه و ما اهتميت بيصل يهتم !!
كلامك صحيح و أنا اتفق معاك ،، لكن ..
مرده هالانسان بيمل ؟ مرده بيبتعد و هو مكسور !!
حط نفسك مكانه ،، ترضاها على نفسك ،،

أنا فعلا أحبك و منتظر لو مره تحن علي و تكلمني ،،
و أكون ناطر..
وابقى انتظر ؟ يمكن تجي يمكن تحن او يمكن تحس اني انتظر
وأبقى انتظر و أنا مادري شنو آخره هالانتظار
و أقول مأكو فأيده ،، لكني على أمل انك تحس ،،
و تقدر ...

" الانتظار صعب ،، لا تترك من أحبك بحجه تفكيرك انك مهما ابتعدت سيبقى لك فكل شيء له نهائه "

By;Dani