صباح الخير ....
أو تقدر تقول صباح المطر ....
صباح الحنين إلي يمزق القلب بقسوه ....
صباحي أنا ؟ لكن بدونك انت اليوم ....
صباح الفراق إلي حصل بعد الوعود إلي اتخذناها ،،
و إنا إلي وفيت في وعودي و انت إلي نكثت في وعودك ،،،،
تبيني أذكرك بهالصباح بشنو وعدتني ؟
أذكرك بوعد واحد انت اتخذته و فيه احييتني !!!
" وعدتني عن حياتي ما تغيب ،، وعدتني انك تبقى بجنبي و ما تروح "
أبسالك الحين وينك انت و ويني !
يوم انك وعدتني انك أبد ما تسمع الناس و دائم تسألني لو احترت في أمر عني !!
يوم انك فسرت اهتمامي لك مثل ما الناس فسرت من مظهري !!
مو كل واحد اهتم بواحد رفيجه ؟ صار شاذ ،،،
مو كل من لبست حجاب ؟ طاهره
مو كل من قال الله أكبر ؟ مسلم
ما كانت صدمتني منك كثر ما كان انكساري بسببك !!
ما هقيتك أول من بيتخلى غني
و ما توقعتك تسمع من الناس و يدور في قلبك الشك فيني و ما تحاول تسألني أو تفهم مني !!
سوء الظن في الناس ،، ربي ياثم عليه
فشلون تسوء الظن فيني و المفروض انت تكون أكثر واحد يعرفني لأني ما تعودت أني أخش عنك انت بالذات شيء ،،،
صرت إنسان غريب ،، ما قمت أعرفك
صرت تالمني
و صار سوء ضنك يقتلني !!
في هذا الصباح ،، أتوقع منك " صباح الخير " ،،،
لكن في هذا الصباح ،، ؟
صباحي مشاعر منك تشتت ،،
صباحي طعون منك لي توجهت !!
صباحي ألم و حرمان و حوفي من أني أقابلك ،،
تنهمر دموعي ،، و تشوف ضعفي ،،
إلي يرافج في حياته ،،،
يرافج بنيه ؟ و إحنا ما نعرف نيته ،،
و بالهزمن ،،
نشوف انه كل رفيج يطعن رفيجه ،،،
و كل أخ يطعن باخوه ،،،
و انت في يوم سألتني و قلتلي يوم تذكر !!
طعنوني كثير ،،،،
لكن إلي انت ما تعرفه ؟ إنك تأثرت فيهم كثير ،،
يوم انك إنسان مو قد الوعد ؟ لا توعد أحد
لأنك بتعلق قلب فيك ،، و فراقك له تكون جريمه و انت بتكون المجرم
مو كل شيء بالحياه نبيه يصير ؟ يصير ....
وآنا ؟ راح صوتي و إنا أقولك انك في دنيتي سعاده ،،
كتمأنك في قلبك بشي محيرك فيني و إنا ما أدري !! بوصلنا لباب مسدود ممكن انه الندم يكون نتيجه له بعدين ،،
دامك رأفجتني و كلك ثقه فيني ؟ لا تخلي أي كلمه غدر عني تأثر فيك ؛*
تسمع من علي نجم ؟ تحصد في قلبك كميه مشاعر لكن تسمع مني ؟ بتحصد في قلبك خوف من ألم أنا عشته بسبتك ؟ أو بسبت غيرك
By;Dani