دائما البدايات تكون حلوه !!
لكن شنقول عن النهايات !!
معقوله إحنا إلي نصنع النهايه ؟
نرسم أحساسنا و أمانينا بدون تفكير بالعقل ...
ممكن لأنا ارتحنا لهذا الشخص أو يمكن حبيناه ؟
أو يمكن لأنا حبينا وجوده بحياتنا !!!
شعور جميل انك تتعلق بإنسان يكون معاك في البدايه
لكنه شعور مؤلم بعد ما تتعلق فيه يخليك في النهايه !!
ليش تركنا ؟
يمكن منا ؟ يمكن منه ؟
إحنا إلي نصنع النهايات ؟
مو دائما !! لكن ،،
إحنا بيدنا نسعد الناس و إحنا بيدنا نجرحهم !!
و كلنا لنا أفعال عفويه ،،،
يمكن ما نقصدها ،،،
لكن بيدنا إنا إحنا نعتذر لك أو له عن إلي بدر منا و هذا مو دليل الضعف !! بالعكس هذا دليل القوه و دليل على حبنا ،،
لو مانبيك ؟ ما نعتذر
لو ما نبيك ؟ ما نعاتبك أو نعاتبه
لو ما نبيك ؟ ما نفكر فيك
لكن ،،،،
تحس انك انت قادر انك تفهم الأمور هذي بروحك بدون ما ترجع لنا و تعرف الأسباب و تفهم ؟
اسمحلي ،،، تستإهل ضيقتك !!
و لو تحس انك لازم دائم الناس إلي يسألون عنك و يدشون عليك بالبدائه و تزعل إذا ما سألوا ؟
عفوا على كلمتي ،، لكن انت إنسان مريض ،، مثل ما لك حقوق عليك واجبات !! و الأفضل إلي يبادر بالسؤال مو الشطاره بالي ينتظر !!
لأن الانتظار ممكن انه يسبب النهايات التعيسه
انت تكابر وهو يكابر منو إلي فيكم استفاد من هالمكابر ؟
عشان جذي دائم تكون النهايات مو مثل ما نبيها أنها تكون !!
غلطت اعتذر
حز بخاطرك شيء،، عاتب
تحس انك تحب ،، اعترف
تحس انك في ضيقه و محتاج ،، نادي
لا شفت انك حاير في شيء
تعرضت للأذيه ،، ضائقك فعل
تكلم لا تخش في قلبك !!
لا تسكت لأنك ممكن تخسره !!
لا تخاف !! لا تقول انك بتخسره
لو يحبك بيتفهم و بيضل معاك و بلحظتها يأخذك بإحضانه !!
خلونا دائم متفائلين
خلونا نصنع نهايات سعيده
أو ما نصنعها ؟؟ نحافظ على الشي عشان ما نفقده !!
على الأقل ممكن نواجه القدر ،،
ما نغير المكتوب شيء أكيد
لكن بيدنا نغير الواقع للأحسن
بيدنا نريحنا !!
بيدنا نسعدنا !!
بمجرد ما تفكر بالشي إلي ضائقك و سكت و ما تكلمت !! شنو بتستفيد من ضيقتك ؟
ما راح تصبح المور و تفهم !! إلا إذا انت تفاهمت !!
الفراق هالأيام صار مثل " السلام عليكم " !!
وين الوفا ؟
وين العشره !
وين الوعود !!
وين الإخلاص ؟
كلها في لحظة النهايه تتلاشئ !!
إذا تقولي إيه بقولك غلط !!
إذا في نظرك أنها تتلاشى !
إذا انت مو صديق عمر !!
إذا انت مو محب مخلص !!
إذا انت ماتدري شنو تبي ومفكر الدنيا بتمشئ على كيفك !!
الحيتة ما توقف على شخص !!
لكن المشاعر ممكن توقف إذا انخذلت !!
ليش نجرح و نضايق !!
ليش دائما نخلي اللي نحبه يبجي !!
لا تقول كنت أحبه ؟ قول لقيت عين غير عينه ؟
قول لقيت البديل !!
يا نأكر العشره !! ياللي صرت في نظر إلي تحبه كاذب
نهاياتك انت بالذات !! في يوم بتكسرك مثل ما كسرت !!
الدنيا تدور و تدور و كل إلي غلط بيله الدور ،،
عشان جذي لازم نصنع نهايات سعيده !!
لازم لا حبينا نخلص
لازم لا رأفجنا نوفي
لازم لا ابتعدنا ما نرجع لأن ممكن الرجوع يجرح !!
إذا كنت له نهايه ؟ لا ترجع و تصير له بدايه
By;Dani
2014-03-26, 5:24 pm من طرف daniel72
