رحل

راح و لغيري صار حبيته و يمكن ما حبني
جنيت فيه و يمكن ما هميته موجود لكن وجعني
دايم القدر يوقف ضدي !دايم يكون ودي و أقول ماودي
خايف أحلم و الأحلام تنقلب ضدي
بكل مافيني حبيت و يمكن حد الجنون تعديت
و كل هالعالم تحديت بس عشانه
لكني شنو جنيت؟غير الألم و غير العذاب ما لقيت
يوم أعلنلي انه لغيري؟
بهاللحظة توفيت
يمكن أبين للناس أني ماهتميت
و لكني في حياتي ما تهنيت !!
أبين انه الوضع طبيعي !و من داخلي بركان يفيض
هو خدلان هو انهدام أحلام هو خبر طعان
مادري المهم انه حب إنسان و هالانسان مو أنا !!
صحيح لازم أرضى بالأقدار
لكنها قاسيه في بعض الأحيان
ليتني اقتنعت من البدايه و ابتعدت
ليتني سمعت كلام الناس و هجرت
ليتني ما حبيت و بالنهايه نجرحت
شتفيد الأماني?دام مستحيل كل إلي أتمناه ؟
شيفيد الندم?دامني الحين عشت بالظلام ؟
الحين أببتعد ،،
لكني مو خايف على نفسي خايف عليك !!
خايف يجرحك ،، خايف يالمك !!
ما أقول أني ابنطرك ،، ولا بقول أني حواليك لأني احتضر بكل خطوه ابتعد فيها عنك
لكني خايف في يوم يبتعد عنك و يتركك
أكيد ما آفاول لكن دائم النهايات حزينه
و نادر ما تكون سعيده
خايف يكسرك ،،، خايف تدورني تألي و ما تلقاني
مع أني متأكد انه ما يهمك لو بجيك
و متأكد انك مابتجيني
لكني خايف ينتهي بك المطاف وحيد
ساعاتها الساعات لا يمكن لحظاتي معاك تعيد
ما بقول ظلمتني ،، دام قرارك بين يديك
ولأن الظلم شين
أدري غطيتك وعود و وعود و لك حلفت ما اخليك
لكن أني أظل معاك شبه انتحار و ابتعادي عنك موت مبيد
مابيدي حل ولا أقدر أقول إلي بقلبي مكموم
كلامي الحين ما بيفيد و انت ما بتسمعني أكيد
أدري دموعي ما بتفيد و صدقني كلامي ما بعيد
خلاص بح الصوت و ضاع الكلام
كثر ما أرخصت نفسي ومعاك أدور الكلام دواره و اطلع أسباب عشان أسولف معاك و دائم محادثتك أعيد وأقرى من جديد حتى معاك ما حسبت لكرامتي حساب اروحلك وين ما تكون
و أنا في حياتك تحت عنوان ولا شيء
سامحني على كلامي لكني جريح
منك أو من حبك أو من جنوني فيك
صدقني ابذكر أيامنا مهما كانت قصيره فترتها
و ما بنسا مثل ما انت نسيت
صحيح أبكي عليه لكني ماني ضعيف و جبان
لكني حبيته من كل قلبي و هو هجر
لا تفهمني غلط حبيبي أو يمكن بسميك غريب
لكنها لحظه الوداع إلي ما توقعت أنها في يوم معاك بتكون خذها وعد مني أني ما أجيك ولا بأذيك
و بقولها بكل ألم ما عدت أبيك !!!
ما نشرت كلامي و قلت أبكسر خاطر هالعالم
لكني قلت يمكن لإقرت تحس بالي حبها وفيه كسرت
By;Daniel