لي الحق

ياللي دائم تذكرني برفجه طفولتنا
هان عليك بعد هالعمر تسوي فيني سواتك ؟؟
يوم غلطت أنا قمت تذكرني
و تقول شلون يا صاحبي تهون عليك هالعشره
لكنك أنت غلطه بعد غلطه و زله بعد زله
ولا ذكرت من هالعشره يوم !!
مأخذ السنين اللي بيننا حجه
مفكرها ورقه رابحه بتوقف بصفك !!
لي الحق يوم تزل إعاتبك
لكن العتاب ما يفيد لشخص خاب الرجا فيه
لي الحق أزعل
لكن لي قلب لهالعشره حسب حساب و للزله يطلعلك ألف عذر
لكن تيي بيوم وليله تلعب بالسنين إلي جمعتنا ؟؟
لعنبو دارك
ماتحس انك في حق إنسان غالي تغلط !!
ما فكرت بأحاسيسه و مشاعره و رجفه شفاته و خنقه عبرته يوم يعرف انك بعد هالعمر تعذبه !!
يهون عليك تشوف رفيجك بين الجنه و النار واقف
ناطرك تأخذه ،، و انت بكل مافيك تسحبه للآخره !! بعد هالعشره النار هو مكانه في نظرك !!
بعد ما عشتو بالنعيم سوى !!
شتستفيد يوم انك بكل وقاحه تزعله
و تضحك مع غيرك ولا كنك تهين عشرته !!
معقوله يأرفيق الدرب يطلع منك هذا كله
ومافي أي عذر تذكره !!
تذكر انه كان لك مكان في هالقلب
لكنك من سواياك معزم انك تخسره ؛*
لا تجيني في دنياي ولا بعد وفاتي تحضر عزاي
لك في هذا القلب جرح و منكسر لفتات
و هذا الكسر مر السنين ما تجبره
لا تجيني بعد هالمذه تعتذر
الخاطر عافك
و الثقه أبد لا تحلم ترجعلك
خلك بعيد و خلني بعيد
ترى كثر العتاب يا صاحبي
معاك ؟ ماله معنى ولا له طعم
لا تقول أعذرني
دام الحياه منك جردته
أبيك تذوق المر إلي منك تجرعته
اعتبره فراق اعتبره وداع
لكن تأكد طريقي يا صاحبي
عن طريقك ببعده


By;Daniel